Odeš u Njujork da vidiš svijeta.
Pa ti malo,
te odeš da vidiš i piramide i
Maču Pikču.
Nevjerovatno je kako svakim danom svijet raste i postaje bogatiji za
neku novu civilizaciju,
dostignuće,
događaj,
pjesmu.
I dok juriš svijet,
iza tvojih leđa
svijet zapravo nestaje
kada umiru oni koje voliš.
Svijet na koji si se godinama navikavao
nestaje na tvoje oči
i sada te navikava
na svijet kojem i ti ideš.
Al’ polako, putniče.
Ne stiže se tamo vozom, ni avionom,
nego očima istraživača.
Istim onim očima
kojima si ugledao umirući svijet,
i postao svjestan da njime hodaš,
ugledaćeš i onaj
koji se stalno širi i postaje bogatiji
za neke nove ljude.
(Sem ako nisi iz Crne Gore.*)
Tek kada ugledaš taj svijet,
možeš u njega ući
i šetati umirućim kao
Pobjednik.
—
* Onda se svijet bogati
divovima.
_____________________________________________________
Viktoru Dedaju,
16. 01. 2021.
